മൃഗങ്ങള്‍ തമ്മില്‍ കൊമ്പുകോര്‍ക്കുന്ന വീഡിയോകള്‍ ഇഷ്ടംപോലെ നമ്മള്‍ കണ്ടിട്ടുണ്ട്. പട്ടിയും പൂച്ചയും കടിപിടി കൂടുന്നത് ധാരാളമായി കണ്ടിട്ടുണ്ടെങ്കിലും പട്ടി കടുവയുമായി ഏറ്റുമുട്ടുന്നത് അങ്ങനെയാരും അധികം കണ്ടിട്ടുണ്ടാവില്ല.
എന്നാല്‍ ഇവിടെ കടുവയുടെ ചെവി കടിച്ചു പറിക്കാനൊരുങ്ങുന്ന പട്ടിയാണ് താരമായി മാറിയിരിക്കുന്നത്. ഒരു ഗോള്‍ഡന്‍ റിട്രീവര്‍ കടുവയുടെ ചെവി കടിച്ചെടുക്കാന്‍ നോക്കുന്ന വീഡിയോയാണ് ഇപ്പോള്‍ സോഷ്യല്‍ മീഡിയയില്‍ തരംഗമായിരിക്കുന്നത്.
ഇതിന്റെ തൊട്ടടുത്തായി ഒരു സിംഹം ഇരിക്കുന്നതും കാണാം. ആനിമല്‍ പവര്‍ എന്ന ഇന്‍സ്റ്റഗ്രാം പേജിലാണ് വിഡിയോ വന്നത്.
ചെവിയില്‍ കടിച്ചുപിടിച്ചിരിക്കുന്ന നായയെ മാറ്റാന്‍ കടുവ കഴിയുന്നത്ര പരിശ്രമിക്കുന്നുണ്ട്. ഇതൊക്കെ കണ്ട് സിംഹം അടുത്തുതന്നെ ഉണ്ടെങ്കിലും സംഭവത്തിലൊന്നും കക്ഷി ഇടപെടാന്‍ കൂട്ടാക്കിയില്ല.
രസകരമായ നിരവധി കമന്റുകളാണ് വീഡിയോയ്ക്ക് ലഭിക്കുന്നത്.
https://www.instagram.com/p/CjVcMJSvv_F/?utm_source=ig_embed&utm_campaign=embed_video_watch_again
